Көк-Мойнок каньондору
Көк-Мойнок каньондору Ысык-Көлдүн Тоң районунда, Бишкек шаарынан чыгышка 170 чакырым, ал эми Балыкчыдан батышка 11 чакырым аралыкта жайгашкан. Көк-Мойнок каньондору Боом капчыгайына киришет.
Көк-Мойнок каньондору Ысык-Көлдүн суусунун өйдөлөп анан төмөндөшүнөн улам жана 1-1,5 миллион жыл мурдагы орто Плейстоцендеги тектоникалык көртөрүлүштөн улам келип чыккан. Плейстоцен доорун көп учурда Муз доору деп да атап келишет.
Муз доору 2 580 000 жыл мурун башталып, 11 700 жыл мурун аяктаган. Муз доору - жер жүзүнүн көп бөлүгүн муз жана кар басып турган геологиялык доор. Көк-Мойнок ойдуңунда боз топурак, кумдуу топурак жана кум катмарлары кездешет.
Көк-Мойноктогу геологиялык жараяндардын натыйжасында жер кыртышынын бир нече катмары түзүлгөн. Ошол катмарлардын негизинде ошол жердеги байыркы геологиялык жана климаттык шарттарды изилдесе болот.
Көк-Мойнок каньонунда эрозия, минералдардын чогулушуу жана каньондордун пайда болушу тууралуу изилдөөлөдү жана сабактарды өткөзүүгө болот.
